Kaash ke kuch aisi fizaa chaley, ke ye sarhadey mit chaley.
Us paar bhi insaan hi bastey hai, unhe ye insaan ki kheechee lakeerey na alag karey.
Kaash ke kuch aisi fiza chaley ke zaalimo par khauf taari hojaye aur mazloom chain o sukoon ki saans ley sakey.
Kaash ke ek aisi fiza chaley ke khushbu uski ek zinda tamanna dey.
Kaash koi bhooka na soye, koi maa apne bete ko jhoota aatankwaadi ke ilzaam mein na paaye, kisi ki ismat dari na hoye, koi ghurbat ki wajah se Apna Bachcha, ya maa baap na khoye.
Aey Kaash!
Ke aisa hoye.
Ke ek mazloom ki cheekh par Insaaf ke dankey bajjaye.
*Aey Kaash*, ye Kaash kia sirf ek khyaal hai ek utopian Dunya ka shayad khyaal, Lekin bhaley hi utopian Dunya ye Dunya ban nahi sakti Lekin ek behtareen jagah zaroor ban sakti hai.
*Ye kaash* ek Kaash nahi balke Rabb ul aalameen ke saamne aajizi aur khuloos se paish faryaad ki shakal mein agar ki jaaye to ye dua hai aur dua agar amal k saath koshish mein layi jaaye to ye koshish Islam ka behtareen sabaq hai jo k ek musalsal jaddojahad ki shakal mein agar ki jaaye to ye Kaash qaayam hojayengey bhout hadh tak.
Aur ye ek badi kaamyaabi hogi us din hum insaan par.
Likhna assaan hai, padhna aur bhi ye sab, Lekin iska nifaaz ek mushkil kaam jo ke agar apni mehdood aql se dekha jaaye to ek aisa khwaab jiska pura hona apne ap mein khwaab.
Lekin agar Uski Quwwat aur Qudrat dekhkar dekha jaaye to ye ek aisa khwaab jiski taabeer bhi hai aur taaseer bhi.
بإرادة الله